Félix Fénéon, portrait
Está ben claro, non o podemos negar nin moito menos esquecer: vivimos no 2.0, redes sociais para elixir, flickrs, tumblrs, blogues, de todo!! Marcan novos xeitos de vida, novos sistemas educativos, novos camiños de interacción, novas maneiras de expresión. En definitiva, cambian a visión do mundo e actúan dentro del como grandes revulsivos de masas a tiro de "intro".
Todo isto é marabilloso, son os novos camiños da expresión humana (artística ou non), as novidosas canles nas que a sociedade se move facilitan o coñecemento simultáneo e a sensación de pertenza a un grupo.
Pois ben, paseando pola librería do meu barrio, atopei un libro de Félix Fénéon titulado Novelas en tres líneas, publicado por Impedimenta (2011), nel recopílanse máis de 1000 breves textos deste anarquista, dandy, de profesión nin periodista nin novelista que, 100 anos antes, xa se deu conta que escribir "tweets" podía ser algo extremadamente impactante e innovador.
En 1906, pasou a encargarse da páxina de sucesos no periódico Le Matin e decidiu cambiar o estilo de redacción por algo novo, diferente, rompedor, onde o ritmo fose o importante. Creo que o acadou de sobra. Sen lugar a dúbidas, Fénéon hoxe en día twittearía!
Di Julian Barnes «Fénéon sabía cómo infundir vida a tres líneas, demorar una información clave, introducir un adjetivo estrafalario y dejar el verbo imprescindible para el final.»
Máis sobre Fénéon aquí
1 comentario:
Moi interesante!
Publicar un comentario